返回列表 發帖

第一身用家分享換全屋冷氣心得

本帖最後由 久誠武航 於 2018-7-26 11:53 編輯

去年秋天的時候,我的起心肝一次過把全屋所有的冷氣更換,自己半個工程人,但非冷氣專科,於是一路於網上爬文著實學了一點心得也希望在這裏與各位街坊分享,但之前的分享不幸被版主唔覺意刪帖了.
http://www.hkmetrotown.com/redir ... o=lastpost#lastpost

既然版主是無心,那也沒甚麼,就再整理再貼吧.

先為大家搞清楚一 d 定義

豐澤牌

都會驛的原裝冷氣是「豐澤」,「豐澤牌」不一定差,因為「豐澤」只是一張招牌,我們不知道他是哪一家代工生產的,可能當年我們的「豐澤」其實是「珍寶」也說不定.平心而論,我家的豐澤牌用了十年,雖然外殼變黃,室外機開始生鏽穿窿,但其實製冷功能依然是沒有問題的。


變頻

我們的「豐澤牌」是舊式的單頻,即係冷氣機壓縮泵只可以開或關.控制室內溫度只可指令當室內溫度到達哪一個數字就開或關機及控制風扇速度吹出多少分量的冷風.因為會成日又開又關,單頻冷氣的壞處就是較為食電,因為每次啟動壓縮泵也要較大的能量.另外就是室內氣溫較難保持穩定,當壓縮泵關掉的時候,氣溫會驟升,當壓縮泵運行的時候,就會凍過龍.

新式的變頻機可令壓縮泵的功率減低,因此壓縮泵沒有成日又開又關而只是減低輸出,因此會較為省電、寧靜及令室內氣溫均勻地保持在一個溫度.但變頻冷氣依靠電子板操作,而電子版相對容易損壞.最麻煩係大部份變頻機也將電子板安在室外機內,那麼電子板損壞,即使你尚有保養,你要提供安全棚給師父檢查及更換零件.


冷暖氣

原理其實很簡單,只是將雪種的流向調轉,室外機於是出冷氣而室內機變成散熱.於是室內就有暖氣.

我個人覺得一機兩用省卻很多儲存暖爐的位置.有人認為香港不太冷,冷暖機沒實際需要,這個就自己考慮了.我家有老人家,他反而大熱天時不需冷氣而冬天需要暖氣,我太太冬天稍冷的時候要是沒有暖氣的話,她需要戴著口罩睡覺否則成晚會打乞嚏。個人認為冷暖機是略貴了一點,但是卻方便很多,裝左可以唔用(暖氣),好過想用無得用,當然功能多可能亦較容易損壞吧.


變頻冷暖

變頻不一定是冷暖,冷暖也不一定是變頻,那是兩個不同的概念.早前坊間有一款單頻冷暖機 三菱電機 msh-gh60va,是某樓盤的貨尾產品,我其實是打算買這一款的,貪佢既有冷暖功能但亦是單頻冇咁易壞.唯後來供應商冇貨. 


R22 / R410a / R32雪種

我們的豐澤全部是 R22,但是這種雪種因會破壞臭氧層,因此國際開始禁用.現在的主流是 R410a,最近見大金出了一種 R32雪種,我不知道效能.

問題是 R22 及 R410 雪種是在不同的壓力下運作因此要配置不同粗度及厚度的雪種銅喉.因此我們換掉豐澤機,無論是換變頻或冷暖,一定是 R410a 居多,亦因此我們不能沿用原有的那一條舊雪種銅喉而要重新鋪設.雖然如此,對都會驛的住客來說沒什麼大問題,因為長實起樓時冷氣是後加的,只要你去觀察你會發覺所有的雪種喉其實是用木板或假天花遮蔽而不是完全藏於石屎牆內,因此即使要換也不是什麼大的工程.


窗口機 / 分體機 / 窗口分體機 / 410分體機

窗口機即係成舊掛喺窗口嗰啲,理論上都會驛唔應該會出現

窗口分體機理論上能夠將室外機安裝在窗口機的位置,因為分開左,所以無窗口機咁嘈。其實都會驛所有房嗰啲全部都係窗口分體機,當年發展商亦預留左個玻璃窗當窗分咁樣裝,但最後佢地又封左個玻璃窗當傳統分體機咁裝。



呢d豐澤牌根本全部都係窗分機




你可以去望下你間屋你會發現每一間房都有個玻璃窗密封了的,因此有街坊問過可否用返個玻璃窗裝窗分機,我認為理論上可以,但如果你選擇咁樣裝原因係想慳返搭棚錢,我覺得難度超高,應該無師父肯做。

410 機種只是室外機尺寸少於 410mm 高,因此適合安裝去公共屋邨的窗台上。都會驛的冷氣臺好高好闊,根本無需要選擇室外細機種,理論上室外機越大散熱越好。

因此,以都會驛而論,普通分體機 > 410機 > 窗口分體機

待續
附件: 您需要登錄才可以下載或查看附件。沒有帳號?註冊成為會員

本帖最後由 久誠武航 於 2018-9-14 13:43 編輯

挑選判頭

我一共搵左 5 個判頭報價:
1.    派傳單入信箱的永S
2.    派傳單入信箱的永L
3.    Price.com 其中一個供應商
4.    一個朋友的朋友
5.    這個 forum 的其中一個師傅

同機種、同要求,價錢相差超過 30%,最後選擇了信箱傳單的永s,我都係搏下唔知呢間得唔得。選擇他的原因是我的額外安裝要求佢做足,另外當然係睇價錢,他是一個價全包

1.    包機 (我指定型號,原廠保養)

2.    包棚 (一個 20 呎 for 4間房,2 個標準棚 for 客聽的 2 部)

3.    包保險 (無保險的話,管理處不批准開工的)

4.    包棄置舊機 (Price.com 那位要另外收費每部 $300 的)。永S 佢無所謂,我可以自己處理送人(假如仲用得),或自己拎去賣(假如仲值錢).我於是留返一部過去 10 年可能開少過 50 次 (老人家房) 的裝左入工人房,將其餘遙控器送比有需要的街坊,拆左塊電板比一位呢度有需要的師兄,其餘比晒永S 處理.

Price.com 那位判頭的其他收費都幾搞笑,佢個標準安裝費係最平,不過好多野要另外收費,除左上述棄置舊機費,佢仲有高空費每部 $300 (我好懷疑有幾多人住平台或地下單位) 、鐵架費 (冷暖機要升高做去水,佢要另外收錢)、雪種喉長過幾多要另外收錢。不過都可以叫明碼實價,尚算均真.





而呢 2 間永X 就好均真,一個價全包.永S 師父亦無收我貼士。不過我請左佢 d 師父食飯盒同汽水。佢地真係辛苦錢,每個師父都綁條毛巾在腰,因為 d 汗係會開水喉咁出。5 個人一日飲晒幾公升水,可以一口飲半公升. 



我的安裝要求:
1.  雪種喉最少三米長打蛇餅,這個亦是廠方的要求,如果雪種喉太短而部機壞左,廠方有權唔保養的.雪種喉太短會好大機會令室內機有雜聲.

我無影蛇餅相,呢幅係網絡找的,但係無分開包




2.  兩條雪種喉要分開兩條豬腸包,這個也是廠方說明書的要求,但是香港過去幾十年所有冷氣師傅 (包括永S) 都唔會幫你分開包.問佢地點解,佢哋話根本無需要。其實一齊包會讓兩條雪種喉在豬腸內交換能量而影響效能的。我堅持要跟說明書的指示安裝,永S 是要每部多收我 $300,我覺得 OK。 大家事前溝通,加埋呢每部 $300 都係最平。事實上物料用多左,功夫亦多左.

呢部豐澤牌舊機拆出來之後都好明顯係無分開包豬腸, 大家都係咁用左好多年啦.





3.   每部機最少抽真空 15 分鐘、枕磅測漏,有一 D 舊式師父是不會抽真空而是谷雪種,谷雪種即是先把雪種喉鬆開,讓冷氣機運行,那麼雪種運行時會排走喉管入面的空氣,排到7788才接緊銅喉.但是這個方法未能把喉管內的空氣或水分完全排走,因而嚴重影響機件運作.要是你的師父唔抽真空的話,勸你都係即時換人把啦,原廠保養亦一定唔包.

下圖 (網絡圖片) 藍色果舊就是抽真空機,如果你個師父無呢部機,你不如直接叫佢走把啦。




4.   安裝手工要到位,比如去水喉,防震膠 (坑膠),室外冷氣架.


有冷氣就有倒汗水,室內機固然要排水, (如果師傅用舊的那條去水喉其實也無乜所謂,因為真係好少會爛).因為我買冷暖機,開暖氣的時候室外機亦都會有倒汗水,因此要處理室外機的去水.要室外機能去水先要升高室外機,因此各位街坊你抬頭見到新的冷氣是升高安裝的那些就是冷暖氣機.永S 能有效地將室外機去水全部接駁到大廈的相關去水喉內,即使我有一個位其實無室外去水喉,他也將喉延長駁到去到水為止.當日另外一間判頭因為一部機沒有去水位,他叫我落雨嗰陣時先去開暖氣咪唔怕漏水囉.我O晒咀,這個亦是我不選擇他的其中一個原因.

防震膠 (坑膠) 其實是隨機附送的,有 d 師父又話要額外收錢。

室外冷氣架 - 

淘寶一對不鏽鋼架都係 30 皮




永S 的好簡單,四個 3 吋高的白鐵架。我沒甚麼要求,只要穩陣、不易生鏽、夠高有效去水就得喇.
 




接口 - 打喇叭嘴還是燒焊

根據原廠指引是必須打喇叭嘴用絲母接駁主機的






但我自己較為傾向燒焊,總覺得燒焊比較穩陣.



但燒焊如果功夫唔好會容易導致雜質走入雪種喉及冷氣機內導致損毀。我知道有一些判頭直頭會燒走左個接口直接燒焊接駁室外機的,但咁樣裝代理商有權唔保養。

我問永s:「喇叭咀螺絲會否 10 年 8 年後震下震下會鬆脫漏雪種呢?」,他回我一句:「你們都會驛入伙十多年啦,全部都係打喇叭嘴,你有冇聽過出問題? 」並好豪氣的說他 200% 信心接口方面不會出錯,你豪,我信!


手工

我會講佢確做足我要求的工序,但係就無呢個 Forum 入面形容某師父咁幫你補埋油呀各樣。唔補油其實唔得架,新舊機體積不同,新機未必可以遮晒牆身的舊蹟。

呢個係佢交貨比我的模樣,公道 d 係我無要求佢補灰補油,可能我要求下佢肯做埋或收錢做埋都唔奇,我相信你們也不能接受呢個樣貌吧。



我自己補灰。好簡單,去五金舖 $10 買包牆之寶,批上去等乾,乾左收水再批,......  最後磨平。前後都係等幾粒鐘,實際落手都係 10 分鐘。



呢個就補埋油喇,問題你要有原裝牆身油漆




5. 安裝時間

我前後裝 7 部機 (包括 1 部舊機入工人房),理論上永 S 話可以一天內搞掂,不過佢知我半個行家將會督工兼俺尖,佢寧願分兩日.

搭棚是分判的,8 點半已經上到來開工搭棚 (3 個人,一個主力師父爬出去,一個遞竹,一個遞架生).10 點鐘,搭棚師父仲未搭起個 20 呎棚冷氣師父已經到,7個人來,好大陣象.下午 5 點已經搞掂 5 部機,第二日上午 3 個人上來搞埋 d 手尾就收工. 

個棚我係選擇 2 星期後拆.師父話理論上可以即日拆,佢亦有信心無鑊氣,不過最好當然係試行2個星期睇下凍唔凍,有無聲,有無漏水各樣先啦.
2個星期後拆,其間仲經歷8號風球添,慶幸無事,我感覺上拆棚係仲危機過搭棚.


插曲 – 舊機入工人房

要我買部全新機給工人我應該不會的,但是廢物利用把還算新淨的舊機裝入工人房我就冇乜所謂,因為師父已經搭晒棚,我只係要比安裝費。而且,我老人家房的舊機 10 年來開唔過50 次,新的一樣。

我唔知大家乜嘢單位,工人房的假天花揭開後其實上面有好多喉館四通八達的,就是利用這四通八達的渠道將冷氣喉經過廚房再走出去室外天井。





長實應該沒有預備業主會在工人房加裝冷氣,因此無做來電及去水,如果你都想安,要多留意呢 2 個問題:

1.  來電: 我家的總電製其實在工人房內的,因此可以拉線出來就成了,我有 a 牌,自己做,要永s 做是要另加 $1000。

2.  室內機去水: 我不知道大家是哪一個單位,我的工人房其實隔鄰一邊是廁所另一邊是廚房,只要穿過牆接駁到合適的去水位就可以。我是接到廚房的洗衣機去水位的。再唔係,搵個水桶裝起滿咗再倒亦冇話唔得,不過難睇 d。


未完,待續
附件: 您需要登錄才可以下載或查看附件。沒有帳號?註冊成為會員

TOP

多謝分享,我相信很多住戶都開始需要換冷氣,但換冷氣又非常大工程,你的心得真的幫忙很多

TOP

本帖最後由 久誠武航 於 2018-8-13 14:28 編輯

匹數

不要按之前舊機的匹數,變頻機最少買大半匹.凍得滯可以開細風,唔夠凍就無得搞.再者,就算同樣夠凍,大匹開細風寧靜過細匹開大風好多.我主人房匹半,開細風係靜到根本唔覺開左冷氣.我客廳以前係 2 部匹半豐澤牌,要是人多或天氣太熱時係 mun mun 地,而家係 2 部 2 匹,相當涼快,大部時間我只開 1 部或 2 部同開 Min. 因機價差不了太多,我強烈建議買大半匹.

挑選型號

網絡上有一位冷氣的神人S君,他的冷氣知識簡直如數家珍,他從沒在網絡上招生意,佢的料絕對中肯。我也是爬他的文領略了不少. 

他的推薦後來也與選擇月刊的不謀而合

https://topick.hket.com/article/ ... B%E4%B9%8B%E9%81%B8

不要被某某品牌神化,美的、格力呢d大陸牌子其實性價比好高,亦都係好多大品牌的代工。而香港銷量第一的日本品牌的分體就免了。

他對之前的「大銀」評價很高,對現在日本原裝產地的「大銀」也高度讚賞,不過東南亞或內地產的要看運氣了,「大銀」的 410 請勿沾手。永S 也向我推介「大銀」的,其實我在平台抬頭一望大部分換了冷氣的街坊也是挑「大銀」.反而我最大的關注是他說「大銀」的變頻電腦版配置在室外機而這塊電腦版是沒有任何防潮保護的.在將軍澳這麼潮濕的環境根本就好容易死. 

我挑了菱重
SRK53QE1 - 2匹 x 2
SRK35BE1 - 匹半 x 1
SRK25BE1 - 1匹 x 3

神人的建議 1匹 / 匹半  AE > BE > QE (他不推薦 QE)

https://www.discuss.com.hk/viewthread.php?tid=25432938&page=162

Or 你有心機睇晒的話,20 零頁之後你會開始明佢 d 達文西密碼,睇晒呢 200 頁你應該會自己識揀

2 匹  AE  = QE (53AE1 與 53QE1 是一樣的肉身,不同的外殼,AE1 是和記行代理、QE1 是白河馬代理) 我 2 匹揀 QE,一來平 $200,2 來 QE 是白色、AE 是金色

位置的限制

在選型號前,要知道都會驛的冷氣位的限制,其實我們可選的型號其實有限. 

下圖的牆上有兩個窿,右邊是供電,左邊是直出室外的雪種喉及去水喉.因此室內機要是不改去水喉的前題下不能掛低於這個高度否則去不了水.(改去水喉就大工程喇,想也不要想), 既然如此,我們只得以機就位.因此我們的選擇根本不多,房間的室內機機身超過 300mm 的可以不作考慮.



我挑的一款是菱重 BE1,高度是 268mm,說明書建議是距離天花頂 70mm ,我已經安裝接近貼天花頂了(只有 20mm 距離),太貼頂會令氣流巡環不好,誇張的情況會令冷 Coil 貼頂的部份起霜.我心水的機種其實是 AE1 (高 294mm) 或菱電的  MSZ-PAH12VA-H1 (高 295mm) ,兩款也是太大舊,唔夠位安,無奈放棄.

我見永S 的網頁,他們安裝大銀或其他品牌也好,也是接近貼天花頂的.

還有菱重機價平過大銀超過20%也是考慮因素.

當日的相,有d錢,真係唔係人人有本事賺



永S 只係用韓國銅喉,要靚可用英國喉,價錢當然會高d

附件: 您需要登錄才可以下載或查看附件。沒有帳號?註冊成為會員

TOP

回復 1# 久誠武航

可否回覆永S是那間公司, 我家的冷氣機滴水, 須要搵師父睇睇.
my email is aidanwonglk@yahoo.com.hk

TOP

本帖最後由 久誠武航 於 2018-7-30 09:34 編輯

回復 5# Aidan
這個群有些舊post 有講過漏水的, 你看看吧

另外亦有其他師兄將我用的 哪一家 公司的報價單post咗出嚟

http://www.hkmetrotown.com/viewthread.php?tid=26233&extra=page%3D1

其實你搵人洗一洗冷氣 就乜都通曬, 永s唔知洗唔洗冷氣喎

呢一個群成日都有洗冷氣的post, 你可以問下

TOP

Thank for sharing

TOP

唔該分享

TOP

thank you

TOP

丰泽牌就是美的代工的

TOP

本帖最後由 久誠武航 於 2018-8-15 18:41 編輯

開利(Carrier)
北極(Frigidaire)
家榮華(Kelvinator)
西屋�威士汀(White-Westinghouse)
德律風根(Deliforken)
金章(Zanussi)
軽井沢(Karuizawa)
東芝(Toshiba)
現代(Hyundai)
肯特(Canopus)
豐澤(Fortress)
新科(Shinco)
德國寶(Germanpool)
等品牌現時推出之家用冷氣機為內地「美的」的OEM產品

通用電氣(GE)之家用冷氣機
飛歌(Philco)之窗口式
惠而浦(Whirlpool)家用冷氣機
約克(YORK)家用冷氣機
白朗(Brandt)
伊萊克斯(Electrolux)
夏普(SHARP)
菱電�菱機(Ryoden/Ryobishi)之家用冷氣機
三菱電機(Mitsubishi Electric)
卓爾(Summe)
現時推出之家用冷氣機之 部分型號為內地「格力」的OEM


網上資料

TOP

本帖最後由 久誠武航 於 2018-8-15 18:50 編輯

仲有一個選擇分體機的考慮 - 冷氣機氣味

冷氣室內機有倒汗水, 要是不懂處理, 倒汗水會滋生細菌從而發出酸餿味

有部分型號有dry coil 功能, (我睇過不過唔記得, 印象好似東芝、重工), 我用的重工系列都有, 熄機之後佢會自動吹風十五分鐘將倒汗水吹乾以保持coil 乾爽

TOP

返回列表