返回列表 發帖

落選都柏文唱衰都會駅

本帖最後由 trillionaire 於 2016-2-3 22:50 編輯

今屆區議會選舉西貢都善選區孫柏文慘敗,得票榜末(張展鵬1216票,莫繡安617,蘇浩572票,孫柏文531),遂於今日《蘋果》發文,現引奇文共賞,並附評論如下:

金手指:都會駅買得過?

各位fan屎!好耐冇見!孫柏文對上兩個月走咗去見工選區議會(評論1)。過程專心,不過有投資新見解,就係對我調景嶺選區嘅屋苑城中駅同都會駅。今次因參選想更了解選民所感,所以就搬入。


      咁屋苑點?大家要明,價格最終由租金帶動,而租金就係被好唔好住左右,我唔覺得都會駅會有咩突破。點解?有兩個因素。首先,都會駅本身係喺大約10年前,樓市未爆升時開售。由開售至今任何一刻買嘅人,𠵱家都係贏錢,有啲仲要以百萬計咁贏。所以該屋苑內,有種近乎自大嘅濃烈感覺(評論2)

調景嶺似港島伸延

同時,雖然政府標籤為新界,不過我住咗嗰度之後,發覺調景嶺係港島嘅伸延,似東區多過似大埔。不過,同居民傾偈後,發覺調景嶺係subprime嘅港島,兩個喺中環返工嘅同事,一個住太古城,另一個住調景嶺時,就會有種被睇唔起嘅感覺(評論3)


當呢種自卑撈埋自大,就會變得排外同過度活躍,例如會所洗手盆旁會有「洗手盆只供洗手」嘅牌(呢點選舉時有用郵遞同居民分享,所以即時冇晒票)(評論4)。喺屋苑成長嘅小孩,10歲已考六級琴,不過你跟佢尾過大閘時,唔會望後,更唔會幫你頂一頂門。


你想避開呢種屋苑,有3個特徵要留意:業委會(而唔係業主立案法團),業委會要員(例如主席)做埋區議員,同埋係港鐵(066)管理。三樣加埋,極容易腐敗。選舉期間,當作為候選人嘅業委主席,為繞過競選開支限制喺屋苑擅自搵人入郵箱違規,要幾肆無忌憚先敢咁樣做?


天網恢恢咁俾人捉到時,管理處一句「警告咗喇」了事,而對我哋其餘3個水魚唔會做同一件事,而會即時報警。而大家唔好諗住廉政公署會查。所以,大家買樓一定要做埋呢樣功課先買。

孫柏文
獨立股評人
http://facebook.com/shuen
本欄逢周二刊出

評論:

1.     去見工選區議會」,開宗明義說明參選區議員是當「搵份工」,只是覬覦區議員的高薪厚祿。

2.     該屋苑內,有種近乎自大嘅濃烈感覺」,以樓價升業主賺錢來硬說居民自大,十分牽強,豈不全港業主都自大?

3.     一個住太古城,另一個住調景嶺時,就會有種被睇唔起嘅感覺」,我也不會用半山帝景園或山頂倚巒與太古城比,而硬說太古城居民「會有種被睇唔起嘅感覺」,所謂百貨應百客」!

4.     當呢種自卑撈埋自大,就會變得排外」,以都會駅居民自大兼自卑來推論居民排外,以致孫某落選,不但不自我檢討,更且諉過於人!再者,「洗手盆只供洗手」是防止有人以洗手盆洗腳、洗頭、洗衫,是管理完善的表現!

總括而言,在競選時朝朝在港鐵站口向居民打恭作揖拉票,落選後原形畢露唱衰選區居民,前恭後倨,判若兩人,可謂「無恥」之極!參選口號是「盡做」,大家都知此語出處是「色情場所X百元任做」之意,以(平日?)嫖妓心態比對區議員工作是為「無德」!以往財經專欄名為「一注獨贏」,如果跟買少注「一殼眼淚」,重注「一命鳴呼」!名副其實燈爆「財演」,現為「獨立股評人」,即無處掛單,皆因「無才」。

這種「三無」人士竟敢參選,難怪與所推的股票一樣,輸得一敗塗地!

葡萄是甚麼味道的 - 回應孫柏文“都會駅買得過﹖”一文

孫君雄文都會駅買得過﹖藉股藉樓嘲諷區選結果,但實則侮辱該屋苑住戶、調景嶺一帶以至整個將軍澳以南範圍的居民,本人作為該屋苑業主和選舉結果無關的選民對此深感遺憾﹗


不是夜郎豈敢自大

孫君指樓市升而資產價格上升的人有種近乎自大濃烈感覺。事實上,都會駅一期於2006年入伙;二期城中駅則於2008年入伙。所謂樓市未升爆而百萬計嬴錢的現象恐怕不是此屋苑所獨有。觀乎2003年沙士前後至2008年前入伙的將軍澳屋苑,如將軍澳站兩旁、坑口站上蓋等於2008年金融海嘯後至今年初皆有這情況比比旨是,都會駅業主根本不可能有什麼自大濃烈感覺。


作為股評人和區選候選人的孫君恐怕是見識少或眼界窄,化零為整而不自知,此為吃不到的葡萄一。


平行時空的港島和九龍

孫君指居調景嶺比太古城有種被看不起的感覺。事實上,都會駅位於調景嶺,屬於將軍澳新市鎮之一,從政府的規畫為新界區,選區屬於新界東;從鐵路網而言,則屬於觀塘線終站,將軍澳線的轉乘站而已。所謂都會駅,駅實為日文寫法;驛才為漢字寫法,都會駅命名據發展而知,它只是以交通便利作為賣點,位處九龍和港島兩線之上。


作為股評人和區選候選人的孫君恐怕是東南西北弄不清,鐵路網絡搞不明,此為吃不到的葡萄二。


公家資源私家所有

孫君指都會駅會所洗手盆旁有「洗手盆只供洗手」的牌源於屋苑居民的自卑自大而排外。孫君實在有所不知,屋苑設施和服務均為公家所有,如有住戶、傭工和外訪來賓於會所洗手間清洗個人物品,濫用會所資源,最終導致開支不平衡,受影響的就是屋苑業主和住客。


作為股評人和區選候選人的孫君在未有查證屋苑會議紀錄或有關會所出版便莽下判斷,胡亂歸因為自卑自大的排外行為,此為吃不到的葡萄三



港孩問題又都會獨有

孫君指在屋苑成長和擁有六級鋼琴資格的10歲小朋友,因未有望後和協助開門。(孫君語:「…唔會望後,更唔會幫你頂一頂門。」) 香港兒童的問題由來已久,有行為問題、有學習問題、有素養問題,至於如何管教和教育,家長、老師和社會賢達皆有責任。


作為股評人和區選候選人的孫君對小朋友的培養和素養原則是好,但要知道,人是沒有後眼,沒有後眼又何來幫助。若然因小朋友一次個別行為而判斷該屋苑是否買得過,恐怕孫君比IS更狂莽此為吃不到的葡萄四


所謂又自大,被看不起的感覺

最後,都善區四名候選人,當選人張君既為該屋苑主席,得票1216張、孫君得票531張;另外兩名落選人莫女得票617張、蘇君得票572張。四人各有所依,於此不


所謂吃不到的葡萄其實是一種如孫君所講的又自大,被看不起的味道和感覺,而它恐怕只有孫先生一人所獨享。葡萄味道是甚麼,人人感受不同,然政治歸政治、區選歸區選、地產歸地產、屋苑歸屋苑,孫先生如有容人之量、納人所見,四年後捲土重來,我輩自當票投賢達。


一名都會駅業主

TOP

孫柏文, 拜讀過不少他塞在信箱内的通訊,中文英文皆文法不通。。。思路更是奇異。。
落選,意料之中。。

TOP

3位講得好

TOP

酸拍蚊的奇文必將永存後世,供他下次臨幸選區的居民閱覽!

TOP

呢D咁無恥(口既)人(渣), 去到邊度選都好似過街老鼠咁,犯眾憎

TOP

quoted from essay above ==>

業委會(而唔係業主立案法團),業委會要員(例如主席)做埋區議員,同埋係港鐵(066)管理。三樣加埋,極容易腐敗。選舉期間,當作為候選人嘅業委主席,為繞過競選開支限制喺屋苑擅自搵人入郵箱違規,要幾肆無忌憚先敢咁樣做?天網恢恢咁俾人捉到時,管理處一句「警告咗喇」了事

業委會主席++ 管理處 關係如此之選舉親密!?

TOP

酸拍蚊2015年12月22日推介759阿信屋,且看結果如何?

金手指:不問價追CEC

噚日同個基金內部分析員傾偈,講到上周有兩項政策落實,雖然市場冇反應,但就衍生大機會。
係咩政策?就係花旗國加息同香港實行《競爭法》。對此反射式反應係:「高負債同喺香港玩割喉式吸客嘅公司一定死!」
而最有呢兩個特質嘅香港上市公司,就一定係經營759阿信屋嘅CEC(759)。不過,點解政策落實後,CEC股價不但冇跌,仲連開三支陽燭?而我仲居然叫大家「不問價追」呢?

毛利率有望倍增
CEC其實係一隻好多人睇實嘅股票,不過近半年股價冇起色,就係大家睇唔到CEC有意推高佢哋極低嘅毛利率。講到零食,759已經係數一數二,而高轉數零售最講規模。因最核心,就係變成謀利消費者聯盟,向供應商㩒價。
𠵱家759門市已達200間之多,點解咁大,都冇霸權之風去擴大毛利率?原因就係當佢哋成功爆出之後,一間又一間乜乜360、直之一叮等相繼出現。對手能出現嘅最主要原因,就係因借錢太易。
𠵱家一加息,所有財務公司都追數,呢啲規模只得幾十間嘅公司冇得死頂。而上周CEC主席林偉駿被問到《競爭法》對佢哋有乜影響時,佢答:「好難再減價。」其實講緊全行都唔可以再割喉。
如759議價能力最強,成本最低,對手冇可能收得低過佢時,759就會好快淘汰對手。原來之前兩年集團唔加價擴毛利率,就係要穩定市場佔有率,等今日收成!
以759現時毛利率得幾個百分點計,唔使講舖租未來會大跌、美元繼續強勢,淨係佢嗰班燒銀紙嘅對手未來瓜柴,759嘅毛利率都有望倍升。聽聞𠵱家開始有大基金掃貨,你懂的,仲唔不問價追CEC?

孫柏文
獨立股評人
http://facebook.com/shuen
本欄逢周二刊出




孫柏文

TOP

10:30 AM 759 $1.56 下跌$0.14 or 8.235%

準到呢.....

TOP

今日收市 759 $1.56 下跌$0.14 or 8.235% !!!!!!!!!

TOP

24 Dec 收市 759 $1.52 連開三支陰燭...

TOP

31 Dec 收市 759 $1.48  成交金額$17,760!

TOP

$1.43 又破底!

TOP

同佢幾年前估百銀升一樣咁"準"...

TOP

$1.38 又破底!

TOP

返回列表