返回列表 發帖

X 聲藝術中心

我個小朋友之前响樓下呢間中心學小提琴,是跟一個黃姓男老師學的,一向都相安無事,直至前一個星期三晚,我小朋友學完小提琴回來時心情變得低落,經不斷詢問,我小朋友才肯說出那黃姓男老師在上堂時大聲話我小朋友:你係咪智障㗎。當然我都唔太信老師會講呢D說話,不境我小朋友仲細(十二歲女童),可能有點誤會。所以主動打電話俾這間X聲藝術中心的那黃姓老師問清楚。點知那黃姓老師一口咬定佢無講過,只係有講過[低B],而[低B]意思係叫我小朋友拉低個B音(我小朋友講果堂只係拉過A音)。最終那個黃姓老師承認自己有大聲話D小朋友低B,呢D係佢嘅教學方式。仲態度惡劣咁講左聲:如果你咁唔滿意咪轉老師囉,又或者唔好學囉。我聽到火都嚟埋,先唔好講佢話我小朋友智障定低B(最後佢有承認到有),呢D說話應該係一個成年男老師對一個小學女生講的嗎?無論佢講智障或低B都對小朋友係一種侮辱,小朋友心智仲未成熟,當然個個聽到嘅反應唔同,但我都覺得在現今社會,身為老師唔應該咁講。到最後,這位黃姓男老師也寫了封道歉信承認佢錯,可惜我小朋友已經好驚去X聲藝術中心學嘢,最後我都決定唔再响呢間中心繼續學。各位家長,我只是想分享一下呢個經歷,希望大家可以討論下。

返回列表